Майса узунбурун қўнғизи (Sitona macularius)
Umumiy ta'rif
Майса узунбурун қўнғизи кул ранг тусда бўлиб ҳартумчаси калта ва йўғон бўлади. Қўнғизнинг узунлиги 4-5 мм келади, уст қанотлари бўйлаб узунасига жойлашган чизиқлар ва қўнғир тусда доғлар билан қопланган. Тухуми овал шаклда бўлиб 0,4 мм келади. Личинкалари оёқсиз, оч тусда, боши қўнғир, катталиги 5-6 мм келади. Майса узунбуруни личинкалик шаклда қишлаб чиқади. Зарарланган майсалар қуриб қолиши мумкин, қисман зарарланганлари суст ўсади.
Agrotexnik qarshi kurashish chorasi
Майса узунбурун қўнғизига қарши курашда бир қатор агротехник тадбир-чоралар: тозаланган уруғ экиш, озиқлантириш, суғориш катта аҳамиятга эгадир.
Biologik qarshi kurashish chorasi
Майса узунбурунининг ўзига ҳос табиий кушандалари мавжуд. Булар қаторига пардақанотли бракон, ихнеумонид ҳашаротлардан ташқари қўнғизлар туркумига оид йиртқичлар киради. Улар зараркунандани 50-60% га камайтириб туради.
Kimyoviy qarshi kurashish chorasi
Зараркунандалар айниқса кўпроқ учрайдиган ерларда ЎзЎҲҚИТИ институти томонидан тавсия этилган – уруғ экишда уни БИ-58 инсектицидини 4% лик қилиб суперфосфат доначаларига шимдириб ҳар гектарга 50 кг дан сарфлаш яхши натижа беради. Умуман олганда, ер юзида ўрмалаб юрган қўнғизларига қарши пиретроид доридан (лямбдацигалотрин, децис, суми-альфа, циперметрин ва б.) ишлатса ҳам яхши самара беради.